Өнөөдөр Сумын ИТХ-ын анхдугаар хуралдаан ЕБС-ийн номын санд 100 хувийн ирцтэйгээр эхэлж, хуралдааныг энэ бүрэн эрхийн хурлын насаар хамгийн ахмад төлөөлөгч Ж.Цогтбаатар нээж даргалж явууллаа. 

ХУРАЛДААНААР ДАРААХ АСУУДЛУУДЫГ ХЭЛЭЛЦЭН ШИЙДВЭРЛЭЛЭЭ. Үүнд:

1.Сумын ИТХ-ын төлөөлөгчдийн бүрэн эрхийг зөвшөөрөх тухай

2.Анхдугаар хуралдааны дэгийг батлах тухай

3.Тооллогын комисс байгуулах тухай

4.Сумын иргэдийн Төлөөлөгчдийн Хурлын даргыг сонгох тухай

5.Сумын иргэдийн Төлөөлөгчдийн Хурлын Зөвлөлийн бүрэлдэхүүнийг сонгох тухай

6.Сумын Засаг даргад нэр дэвшүүлэх тухай

7.Бодлогын хороодын тоо болон эрхлэх асуудал, ажиллах чиг үүргийн талаар санал авах

 

✅Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.2 дахь заалт, 48 дугаар зүйлийн 48.1 дэх хэсгийг тус тус үндэслэн сумын ИТХ-ын анхдугаар хуралдаанд оролцсон Төлөөлөгчдийн 52.3 хувийн саналаар сумын Иргэдийн төлөөлөгчдийн хурлын даргаар Лхагвасүрэн овогтой Сэлэнгэсайхан сонгогдлоо.

✅Хурлын дэгийн 6-д заасны дагуу "Сумын Засаг даргад нэр дэвшүүлэх тухай” асуудлыг хэлэлцэн хуралдаанд оролцсон Төлөөлөгчдийн 52.3 хувийн саналаар Чойжамц овогтой Төгсбаатарыг Сумын Засаг даргад нэр дэвшүүлэн Сэлэнгэ аймгийн Засаг даргад уламжлахаар боллоо.

                                                    ИТХ-ЫН АЖЛЫН АЛБА