✔️Орхон бүсийн Гэмт хэргээс урьдчилан сэргийлэх ажлыг зохицуулах салбар зөвлөлүүд Сайхан сумын Цагдаагийн хэлтэстэй хамтран Сургуулийн өмнөх боловсролын байгууллагын суралцагчдад замын хөдөлгөөнд оролцох зөв дадал хэвшлийг олгох, дүрмийн талаарх ойлголтыг өгөх зорилгоор "Замын хөдөлгөөн-Цагаан толгой" сэдэвт тэмцээнийг 2025 оны 04 дүгээр сарын 22-ны өдөр Сайхан суманд амжилттай зохион байгууллаа.

✔️"Замын хөдөлгөөн- цагаан толгой" тэмцээнд нийт 4 сумын 5 баг оролцоход 1-р байрт Сайхан сумын 3-р цэцэрлэг, 2-р байрт Орхонтуул сумын 1-р цэцэрлэг, 3-р байрт Сант сумын 1-р цэцэрлэг тус тус шалгарч, Өргөмжлөл, мөнгөн шагналаар шагнууллаа. 

✔️Энэхүү арга хэмжээнд анги бүлгүүдээ сайтар бэлтгэн оролцож, амжилт үзүүлсэн Сант сумынхаа 1-р цэцэрлэгийн хамт олонд баяр хүргэж, цаашдын ажилд нь өндөр амжилт хүсье.