Монгол Улсын Их Хурлаас жил бүрийн 09 дүгээр сарын 10-ны өдрийг “Улс төрийн хилс хэрэгт хэлмэгдэгсдийн дурсгалыг хүндэтгэх өдөр” болгон тэмдэглэж, улс төрийн хилс хэрэгт хэлмэгдэн хохирсон иргэдийн дурсгалыг хүндэтгэж ирсэн билээ.

       Сант суманд улс төрийн хилс хэрэгт шийтгэгдэн хэлмэгдсэн 3 иргэний үр хүүхэд, төрөл төрөгсөд амьдардаг бөгөөд төрийн нэрийн өмнөөс уучлал хүсэж, хүндэтгэл үзүүлэх үйл ажиллагааг жил бүр зохион байгуулсаар ирсэн.

        Энэ өдөр Сант сумын ИТХ-ын дарга Л.Сэлэнгэсайхан улс төрийн хилс хэрэгт хэлмэгдэн, 1947 онд цагаатгагдсан Дэлгэрийн Жамсрангийн зээ охин Г.Энхтуяа, мөн 1938 онд хилсээр шийтгэгдэж, 1993 онд цагаатгагдсан Нянгарын Дондогийн ач хүү Л.Бат-Эрдэнэ нарыг хүлээн авч, төрийн нэрийн өмнөөс уучлал хүсэн хүндэтгэл үзүүллээ.

         Хэлмэгдэгсдийн гэгээн дурсгалыг хүндэтгэн, түүхийн сургамжийг хойч үедээ өвлүүлэн үлдээх нь бидний үүрэг билээ.